يا أبنى يا أخويا يا أبويا
يا شهيد 25 يناير يا كل مصرى شهيد
دموعى لسة ما جفتش
و حرقة قلبى عليك يا ضنايا لسة ما سكتتش
يا أبنى ياللى نزلت التحرير
غسلت بدمك عار ظلم السنين
و رفعت رايتك و قولت حانجيب النصر
و لو روحى دفعت الثمن غير النصر ما رضى عنه بديل
يا أبنى ياللى هتفت و قولت لأ
كان نفسك فى يوم تكون صح
كان نفسك تعيش الحلم اللى اتبنى بدمك و دم كل شهيد
يا بنى يا حبيبى فرحانة بيك
شرفت قلبى و نصرت و طنى
و خلتنى أم الشهيد ..................
يا أبنى يا للى سيبت زهرة شبابك
فدا لبلادك و اخواتك اللى فى بلادك
يا أخويا يا للى نزلت التحرير
و حلفت برب العزة تجيب ليك و ليا و لأمك كرامة تنصان
يا أخويا ياللى مليت عليا حياتى
و حضنك الدافى كان سر فلاحى
روحت فى لحظة و ضعت
و اصبحت شهيد دمك غالى و عزيز
فرحانة بيك و فخورة
و وحشتنى ضحكة اخويا
دمك متصان يا حبيبى
مانا بقيت أخت الشهيد .............
يا أبويا يا للى نزلت التحرير
و كان نفسك ترجع منصور
مبروك ليك يا ابويا النصر جه منصور
و دمك سال نهر الشهيد
ده احنا ولادك امانة فى ايد كل مصرى اصيل
منا خلاص بقيت بنت الشهيد
يا شهيد 25 يناير يا كل مصرى شهيد
ذكراك هتفضل موجودة يا غالى يا بن التحرير
ليست هناك تعليقات:
إرسال تعليق