الحلقة الاولى
مامو ( ام إسراء ) كانت قاعدة بتخرط بصل عشان بتطبخ أكلة غريبة الأطوار .
طبعا مش دى مشكلتنا !
اختى الخنيقة ( تيسير ) قاعدة بتناكف شوية فى مامو و شوية تانية فى اخويا محمد
اختى دى اصغر منى بسنتين ، و الواد فوزى } اه على فكرة { ده دلع اخويا محمد
و ماحدش يتريق عليا ، واحدة هبلة بقى .
ده اصغر منى بسبع سنين و دى الحقيقة المرة بالرغم من اصرارى الفظيع
على انى اكبر منه بسنة ونص و ماحدش يسأل ليه بردك
حالة نفسية يا جماعة مش قولتلك واحدة هبلة بقى .
و إسراء اللى هى انا :
قاعدة ماسكة ملزمة مادة مش لازم تعرفوا إيه هى و معاها الاسكتش . و البت السوسة
إسراء اللى هى انا عشان تبقوا معايا على الخط .
طبعا انا لا بذاكر ولا نيلة انا قاعدة عمالة أكتب فى خواطر على كام قصة عبيطة
و بحجة انى بذاكر .
_ مامو : بت يا إسراء قومى ناولينى الحلة عشان الاكل .
_ إسراء : يا مامو انا بذاكر خلى اختك تناولهالك .
- تيسير : لا بقى ما تخلى بنتك هو كله عليا .
- مامو : خلصى يا بت منك ليها خلونى اخلص الاكل عشان ابوكم يلحق يتغدى
و وطوا صوتكم عاوزين ابوكم يبهدلكوا اتلموا بقى .
و فى وسط الخناقة و الرغى بتاعنا و شوية النكت اللى بتطلع مننا .
شغلنا التى فى . اصل احنا بعيد عنكم عيلة مثقفة .
و لقينا فى قناة من القنوات الفضائية اللى بقت عاملة زى عدد شعر الراس .
و فيها كل واحد من اللى مرشحين نفسهم فى الانتخابات ،
روحت بصيت فجأة كدة . و قولت لمامو :
· صحيح يا ام إسراء ناوية ترشحى مين من دول ؟ ،
ولا ناوية تعملى زى قبل كدة و ترشحى جدو حسنى طبعا مش ينفع يبقى بابا
لأنه خلاص بقى عجوز اييييييييييييييييييه دنيا .
ردت عليا و قالتلى إتلهى ماتفكرنيش باليوم الاسود ، و قومى بقى اعملى
تقلية للملوخية عشان ابوكى يتغدى .
بكلم نفسى ( تقلية يا ماما ) ماشى انا غلطانة انى كلمتك فى السياسة .
و بتنتهى الحلقة الاولى عشان طبعاً حانتغدى .
ليست هناك تعليقات:
إرسال تعليق