حاتنتخبونى .. حاتنتخبونى
أنا مش حاوعد و لا حاتكلم
حاتشوفوا الحق على اصوله
حاتنتخبونى .. حاتنتخبونى
و بصوتكم حاتعلوا مبادئى
انا لا وطنى و لا برادعى
انا مصرى و ابن الشعب
حاتنتخبونى .. حاتنتخبونى
و حاتدوقوا على ايديا الشهد
و ف عهدى حاتدعولى تملى
يعمر بيتك يا ريسنا
انا لا حاقول خطب و مواعظ
و لا حابنى شقق للناس
بس كفاية يا شعبى حبيبى
كيلوا اللحمة بعشرة جنيه
و حاتنسوا فراخ الجمعية
و حاتكلوا لحمة مشوية
حاتنتخبونى .. حاتنتخبونى
سيبكم من حسنى و ماواويله
الكافيار حاتملوا منه
ده فى عهدى كله حايغنى
حاتنتخبونى .. حاتنتخبونى
مدارسنا حاتبقى حكومى
من غير رسمى او تجريبى
و المرتب حايزيد الضعف
دى الحوافز ماشية معاكوا لآخر الشهر
و الجمعة حاتبقى يومين و العطلة الرسمية تطول
ده فى عهدى حاتعيشوا عيشة فل
حاتروحى النادى يا مدام
غلبان و فقير ايه ده
فى عهدى حاتبقى مرتاح
و مش حايكون ولا حد جعان
حاتنام شبعان فرحان
و حاتبقى العيشة تمام
ادعولى و انتخبونى
بس امسك الحكم يا ناس
حاتنتخبونى .. حاتنتخبونى
بقلمى ( اسراء احمد )
ليست هناك تعليقات:
إرسال تعليق