حب مع ايقاف التنفيذ
فى يوم من الايام و انا تايهة مع الاحلام
لقيت قلبى بيدق و بيعلن عن حب جديد
حسيت بسعادة جميلة و نشوى فيها امانى
لكن خفت و قلقت احسن الحب يطلع وهم
قاومت كتير و حاولت انى ما استسلمش
بس الاحساس كان اقوى من قلبى و قوته
و فضلت احلم و احلم و فى جوة حضن قلبك
حسيت بالحنان و شوفت معاك امان
لكن كنت بقاوم و خايفة لا ما استحملش
حبك دخل قلبى و استعمره و ما خرجش
اعمل ايه يا ناس دلونى بحل فورى
استسلم و اسلم قلبى و لا ابعد و ما اكملش
فى ناس وقفت جانبى و قالتلى ابعدى احسن لك
و فى ناس خدعت قلبى و قالتلى ده بيحبك
و قفت حيرانة مستغربة و سهرانة اسمع كلام مين فيهم
و انا قلبى مش ملك اديهم
و فى يوم غريب جه عليا لقيت قلبى مش فى اديا
سبته و قولت اشوف قلبى حا يروح على فين
و وقفت من بعيد اتفرج و انا قلبى ماشى بيتحرك
و لقيته فجأة وقف ولا حتى قادر يتحرك
بصيتله و استغربت و سألته ليه وقفت
قالى ما هو ده الحب اللى عشانه خرجت
و فضلت ادور و الف لغاية ما لقيت القلب
اللى ينفع احبه و اخده يسكن فى حضنى
صدقته و قولت امين و اهو هو ده اللى ينفع يبقى حبيب
و بسرعة روحت و قولت و صرحت انى بحب
و الناس كلها عرفت ان قلبى بقى بيدق
و خلاص اعلنت حبى اللى امتلك قلبى
و لكن بعد ما اعترفت و قولت انى بحب
حسيت ان قلبى وقف و عقلى هو اللى بيحركنى
و راجعت نفسى لقيتنى غلطانة فى حق قلبى
و خلاص انا قررت انى ابعد و ما اكملش
مش عايزة غرام خلاص ولا عايزة اتوه من الاحساس
دى رسالة فى حق نفسى بتقولى اوعى تنسى
عهدك اللى اخدتيه مع نفسك
و قدرتى ان لا تحبى و لا حتى عايزة تتحبى
و كفاية لغاية كدة ده حب مع ايقاف التنفيذ
كلمات رائعة . جزاكى الله خيرا
ردحذف